Арылахская библиотека

Ахсынньы 17 күнүгэр А.А.Саввин аатынан история уонна этнография музейыгар көҥүл тустууга ССРС спордун маастара,Российскай Федерация физическай культуратын уонна спордун туйгуна, Саха АССР физическай культуратын уонна спордун үтүөлээх үлэһитэ, Чурапчы улууһун Бочуоттаах олохтооҕо, Саха Республикатын спортивнай Албан Аат түмэлин салайааччыта, спорду көҕүлээччи уонна тэрийээччи, коллекционер Михаил Егорович Друзьянов 75 сааһыгар анаммыт » Оло5ум умсул5ана» баай коллекцитяын быыстапкатын үөрүүлээх арыллыыта буолла. Бу быыстапка араас кэми, араас дойдуну хабар ураты ис хоһоонноох, спорт эрэ историятын сырдатар экспозициялар буолбакка,кини коллекционер быһыытынан олоҕун тухары муспут коллекцията буолар. Манна 15 тыһыынча испиискэ уруһуйун хомуйан сыҺыарбыта, космоска анаммыт кэмбиэрдэрэ, араас урукку сылларга тахсыбыт улахан-кыра размердаах календарь кинигэлэр, онтон да атын олус интириэһинэй коллекциялар баалларын кэлбит дьон сө5ө -махтайа көрдубут,иһиттбит, Михаил Егорович бэйэтэ быыстапкатын туһунан сурдээх учугэйдик кэпсээтэ. Кини өссө биир улахан айымньылаах улэтинэн буолар Иван Николаевич Винокуров туһунан, кини аатын тилиннэриигэ дьаныһан туран улэлээбитэ буолар. Михаил Егоровиһы э5эрдэлээн туран, «Оройуонун иннигэр үтүөлэрин иһин» 2-с степеннээх түөскэ анньыллар бэлиэ туттардылар. Бу быыстапка биир ый турарынан улууспут олохтоохторо, нэһилиэкпит дьоно-сэргэтэ, оскуолабыт үөрэнээччилэрэ олус интириэһинэй быыстапканы киирэн көрөргүтүгэр ыҥырабыт.