Арылахская библиотека

Бу үүммүт сылга «Айар» бичик кыһатыттан элбэх сонун саҥа кинигэлэр кэлэн ааҕааччыларга дьоһун бэлэх буолла. Араас ис хоһоонноох кэпсээннэр, кыра дьоҕус хоһооннор,оҕолорго аналлаах дьэрэкээн ойуулаах кинигэлэр,тулалыыр эйгэҕэ сыһыаннаах энциклопедиялар.Биһиги эмиэ барытын билиэхпитин,ааҕыахпытын баҕарабыт диэн бэйэлэригэр сыал туруорунан, библиотека аанын саппат кырачаан ааҕааччыларым 2 кылаас үөрэнээччилэрэ учууталларын кытары Анжелика Тимофеевнаны кытары кылааһынан кэлэн,саҥа кинигэлэри көрөн истэн, сөбулээбит кинигэлэрин уларсан бардылар. Бу курдук бары бииргэ тутуспутунан ааҕыы эйгэтигэр оҕолор интириэстэрэ өссө улаатан, билиилэрэ хаҥаан, ааҕааччыларбыт элбээн иһиэхтэрэ диэн киһи эрэнэр уонна үөрэр.