Арылахская библиотека

Олунньу 13 күнэ Саха Сиригэр Төрөөбүт тыл уонна сурук-бичик күнүн быhыытынан бэлиэтэнэр. Саха Ѳрѳспүүбүлүкэтин бастакы Бэрэсидьиэнэ Михаил Ефимович Николаев «Төрөөбүт тыл уонна сурук-бичик күнүн биллэрэр туhунан» 1294 № Ыйааҕа 1996 сыллаахха олунньу 9 күнүгэр тахсыбыта.» Таптыыбын төрөөбүт тылбын,иҥэринэбин тылым сүмэтин»- диэн ис хоһоонноох сурук-бичик күнүгэр анаммыт тэрээһин буолан ааста. Сахалыы сиэринэн боҕуруоскай отунан буруолатан арчыланан кэлбит дьону көрсөн,Семен Андреевич Новгородов, төрөөбут тылбыт,сурук-бичик туһунан билсиһиннэрэн кэпсээн, талааннаах хоһоон айыытынан дьарыктанар Айылҕаана-Анна Дмитриевна Барашкова бэйэтин хоһоонноруттан ааҕан, Чурапчы «Айар» литературнай түмсүү үлэтин билиһиннэрэн кэпсээтэ, өр сылларга оҕолору уһуйааҥҥа иитиспит,бэтэрээн үлэһиппит Мария Егоровна Күндэ «Төрөөбүт тыл» диэн хоһоонун ааҕан иһитиннэрдэ. Сахалыы ааты ылыммыт Кыайыы Көтөллөөх кыыһа Оһуордаана -Анна Никифоровна сахалыы ааттар тустарынан,Багдарыын Сүлбэ, Алтан Сарын тустарынан сырдатан ааста.