Арылахская библиотека

Муус устар 3 күнүгэр Т.М.Каженкин аатынан Арыылаах орто оскуолатыгар биллиилээх учуонай, атом промышленноһын уонна өҥнөөх металлургия бэтэрээнэ, СР Айылҕа харыстыбалын туйгуна, техника наукатын кандитата Кут-Дабаан духовнай сайдыы үөрэҕин ааптара Иоган Егорович Максимов кэлэн үөрэнээччилэри, коллективы, төрөппүттэри кытары көрсүһэн барда. Иоган Егоровиһы кытары бииргэ төрөөбүттэрэ кэлэн кыттыыны ыллылар. Көрсүһүүгэ бэйэтин үлэлэрин, наука, экодухуобунас туһунан кэпсээн билиһиннэрдэ, саха тылын учуутала Андросова Т.Е. бэйэтин үлэтин төрөөбүт кыраайы үөрэтэр проегын туһунан сырдатан кэпсээтэ. 8 кылаас үөрэнээччитэ Прокопьева Ангелина алаас топонимикатын туһунан оҥорбут үлэтин проегын кэпсээтэ, 11 кылаас үөрэнээччитэ Демьянова Маша кэрэ бэлиэ (сакральнай) виртуальнай туризм миэстэлэрин тустарынан кэпсээн билиһиннэрдэ. Патриотическай иитии үлэ туһунан төрөппүт Янцен Андрей Андреевич уонна 10 кылаас үөрэнээччитэ Попов Иван историческай экспедицияҕа Старай Руссаҕа Аҕа дойду сэриитигэр охтубут буойуннары, кинилэр ааттарын үйэтитиигэ хаһыыга (раскопкаҕа) сылдьан кэлбиттэрин, булбут матырыйаалларын быыстапкаҕа туруоран кэпсээтилэр.Төгүрүк остуол кэнниттэн Арыылаах таҥаратын дьиэтигэр сылдьан көрөн,онтон Өксөкүлээх Өлөксөй ийэ кут-сэргэтигэр, Эргэ Сурт миэстэлэринэн айанаатылар.

«