Сэтинньи — Байанай ыйа
Сэтиннньини ыам ыйа батыһар. Ый тибиилээх буолар.Үс тибии буоллаҕына,сааһын тоҕус тибиини күүтэллэр уонна өҥ сайыны би лгэлииллэр.Тибии аҕыйаҕа -кураан сайыҥҥа.Сэтинньигэ дьүкээбил уота элбэхтик умайдаҕына (түүнэ сырдык диэн ааттыыллар),кыһына тымныы буолар.15 чыыһылаҕа ый Үргэли кытта алтыһар,онуоха чугаһастахтарына тымныы түһэр.Сэтинньи ортотугар диэри добдурҕа салҕанар,онтон кыһыҥҥы суол арыллар. Байанай ыйыгар сахалар улахан муҥханы тэрийэллэр,идэһэ өлөрүү сиэрин-туомун толороллор.Кыстыыр отторун-мастарын,муустарын тиэйэн бэлэмнииллэр.
Таҥаралар күннэрэ: сэтиннньи 8 күнэ- Миитэрэйэп таҥарата. Бастакы идэһэни сииллэр. Собо,мунду аҥаарыйан, кыстыыр сирин булан,дьэбэҕэ т үһэр,онон кыайан үргүбэт диэн муҥха тохтуур. Бу күн хаардаатаҕына кыһынын элбэхтик былытырар.
Сэтинньи 21 күнэ- Мэхээлэйэп. Бастакы улахан тымныылар түһэллэр.Оту-маһы тиэнии саҕаланар, Бу кун сылыйдаҕына-тымныы кыһын,от-мас кырыардаҕына-тымныы хаардаах кыһын,сис былыттаах буоллаҕына-ахсынньы 19-гар диэри ичигэс.