«Арыылаахха айымньылаах айан»- литературнай десант
Ахсынньы ыйбыт аам-даам туманынан, тымныы о5успут сирилэтэн үрэн бурҕачытан тымныыбыт түһэн турдаҕына Арылаахпыт нэһилиэгэр биир дьоро кэрэ тэрээһин күнэ буолан ааста.Ахсынньы 12 күнүгэр «Арыылаахха айымньылаах айан» суруйааччылар литературнай десаннарын кытары көрсүһүү буолла. Бу көрсүһүүгэ ыҥырыылаах ыалдьыттарынан кэлэн кыттыыны ыллыллар- Саха норуодунай поэта С.В.Гольдерова -Саргы Куо, Россия суруйааччыларын сойууһун Саха сиринээҕи региональнай салаатын бырабылыанньатын чилиэнэ, поэт Зинаида Архипова, Россия суруйааччыларын журналистарын сойуустарын чилиэнэ, оҕо суруйааччыта Ангелина Васильева-Дайыына, Россия суруйааччыларын сойууһун чилиэнэ,драматург Утум Захаров. Онлайн видео сибээһинэн Саха норуодунай суруйааччыта Сэмэн Тумат кыттыыны ылан бэйэтин эҕэрдэтин анаата. Көрсүһүү Т.М.Каженкин аатынан оскуолаҕа буолла.Үөрэнээчилэри кытары көрсөн сүрдээх истиҥ иһирэх кэпсэтии буолла. Оҕолор хоһооннорун ааҕан, бэйэлэрин санааларын саха литературата сайдыытыгар, төрөөбүт тылбыт сүтэн симэлийэн хаалбатыгар интириэһинэй этиилэри этэннэр, интириэһиргээбит боппуруостарыгар эппиэттэри ыланнар астыннылар.Күнүс 4 чаастан «Айымньылаах аа5ыы» төгүрүк остуол тула олорон кэпсэтии буолла. Бу күн суруйааччылар буруолуу сылдьар кинигэлэрин билиһиннэрэн быыстапка тэрийэн кэпсээтилэр. Бу курдук олус сонун, сэргэх көрсүһүү биир күнүн биһиэхэ бэлэхтээтилэр биһиги суруйааччыларбыт.
