Дьуон Дьаҥылы-поэт,фронтовик,тылбаасчыт.
Гавриил Иванович Макаров —поэт, тылбаасчыт, ССРС Суруйааччыларын сойууһун чилиэнэ, Чурапчы улууһун Болтоҥо нэһилиэгэр 1914с.олунньу 27 күнүгэр орто бааһынай ыалга төрөөбүтэ. Сэттис кылаас кэнниттэн учуутал кууруһун бүтэрэн оскуолаҕа үлэлиир. 1941с. Чурапчы педучилищетын, 1949с. Дьокуускайдаа5ы педагогическай институту,1955 с. Москва А.М.Горькай аатынан Литературнай институту бүтэрбитэ.1943-1945сс. А5а дойду сэриитин кыттыылаа5а. Чурапчыга үөрэх салаатын сэбиэдиссэйинэн үлэлээбитэ. Дьуон Дьаҥылы сүнньүнэн поэзиянан уонна тылбааһынан дьарыктаммыт суруйааччы. 1932с. Массыныыс Хабырыыс ,Түөйүлээхэп диэн псевдонимнарынан эрдэтээҥи хоһооннорун бэчээттэппитэ.
Маҥнайгы хомууруннньуга » Төрөөбүт күүлэбэр» 1936с.бэчээттэммитэ. Бу кинигэтигэр кини тапталлаах дойдутун айыл5атын туойар.Кэлин Эллэй сүбэтинэн Дьуон Дьаҥылы диэн псевдонимы ылбыта.Поэт саха литературатыгар «Уйбаанчык» диэн хоһоонунан бастакы романы суруйбута. Дьуон Дьаҥылы уһулуччулаах ситиһиитэ -тылбаастара.А.Пушкин » Евгений Онегин» диэн хоһоонунан суруллубут романын 12 сыл тухары тылбаастаан бүтэрбитэ. Бу бүтүн Сибиир үрдүнэн түүр тыллаах норуокка биир бастыҥ тылбаас быһыытынан билиниллибитэ. Ону таһынан » Василий Теркин» тылбааһын саҕалаабыта.Кэлин С.А.Саввин-Күн Дьирибинэ ол тылбааһы тиһэҕэр тиэрдибитэ.Талааннаах поэт Гавриил Иванович Макаров 1956сыллаахха кулун тутар 6 күнүгэр соһумардык өлбүтэ.
