«КыҺыл Знамя» -эстафетата.
Саха сиригэр бэтэрэээннэр сэбиэттэрэ тэриллибитэ 40 сыллаах убулуөйүн көрсө өрөспүүбүлүкэ устун айанныыр Кыһыл Знамя эстафетата көлүөнэни ситимниир,чиэстээһинэ салҕанан бара турар. Балаҕан ыйын 5 күнүгэр Арыылаах нэһилиэгэр үөрүүлээх быһыыга-майгыга көрсүһүү ыытылынна. Знамяны көрсүү кэрэ бэлиэ түгэнигэр тэрээһин кыттыылаахтарын » Арыылаах нэһилиэгэ» тыа сирин түөлбэтин баһылыга Янцен А.А.,нэһилиэкпит педагогическай үлэ бэтэрээнэ Оһуордаана Кыайыы Көтөллөөх эҕэрдэлээтилэр. Бу ыытыллар эстафета көлүөнэлэри ситимниир, эдэр ыччаты Аҕа дойдуга бэриниилээх буоларга иитэр, саастаах көлүөнэни убаастыырга, кинилэр олорон кэлбит олохторун маннык түгэннэринэн үйэтитэргэ уонна буолбут түгэннэр тыыннаах туоһулара — бэтэрээннэр иннилэригэр сүгүрүйүү, ытыктабыл бэлиэтэ буолар. Тэрээһиҥнэ кыттыбыт нэһилиэкпит кырдьаҕастарыгар, бэтэрээннэрбитигэр махтанабыт. Бу Знамя бары 30-с сылтан 70-с сыллар бэтэрээннэрин сыралаах үлэлэрин туоһулуур, билиҥҥи кэмҥэ анал байыаннай дьайыыга сулууспалыыр ыччаттарбытыгар холобур буолар диэн бэлиэтээтэ.
