Сахалыы саҥарар буоламмын, санаабын сайа этэбин, сахалыы кэпсэтэр буоламмын сахабынан киэн туттабын
Олунньу 13 күнэ- төрөөбүт тылбыт,сахалыы сурук -бичик күнэ.Саха сирин бастакы президена Михаил Ефимович Николаев 1996 сыл олунньу 9 күнүнээҕи 1294 №-дээх «Төрөөбут тыл уонна сурук-бичик күнүн» биллэрии туһунан ыйааҕыгар олоҕуран С.А.Новгородов төрөөбүт күнэ олунньу 13 күнэ — «Төрөөбүт тыл уонна сурук -бичик күнүнэн» биллэриллибитэ. Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.
Олунньу 13 күнүгэр Саха Өрөспүүбүлүкэтин судаарыстыбыннай былааһын толорор уорганнарын 2023сыллаа5ы үлэтин отчуота Арыылаах нэһилиэгин олохтоохторун кытары буолла. Саха тылын уонна сурук-бичик күнүгэр кэлбит дэлэгээссийэ,нэһилиэк олохтоохторо сахалыы таҥнан кэлбиттэрэ сонун көстүүнэн буолла.Нэһилиэк олохтоохторо оскуола тутуутун туһунан,саҥа котельнай, спортивнай зал эргэрэн саҥа заалы, таҥара дьиэтин өрөмүөнүн, саас ириэһиҥҥэ айанныыр суолбут тупсарыытын оҥорорго туруорсан ыйытыыларын биэрдилэр, бэйэлэрин санааларын эттилэр. Отчуот түмүгүнэн бырабыытылыстыба 2023 сыллаах үлэтин сөптөөҕүнэн сыаналаатылар.
