Иван Николаевич Винокуров 131 сааһыгар анаммыт тэрээһин.
Саха биллиилээх бэлитиичэскэй, судаарыстыбыннай диэйэтэлэ Иван Николаевич Винокуров аатын үйэтитии үлэтэ салҕанар. Ол курдук кулун тутар 26 күнүгэр Арыылаах нэһилиэгэр, уһулуччу киһибит аатын үйэтитэн, уулуссаҕа иҥэрии үөрүүлээх аһыллыытын бэлиэ түгэнэ буолан ааста. Өр сылларга ааттаммакка турбут бөһүөлэк биир киин уулуссатыгар нэһилиэк дьокутааттарын быһаарыыларынан Иван Винокуров аата иҥэрилиннэ. Бу үөрүүлээх дьаһалга нэһилиэк олохтоохторо үөрэ- көтө кыттыыны ыллылар. Өссө да инникитин И.Н.Винокуровка анаммыт дьаһаллар улууска, бэйэбит нэһилиэкпитигэр салҕыы ыытылла туруохтара диэн эрэнэбит.
