«Алаас ахтыл5ана»- Арыылаах түмсүүтэ.
Ахсынньы 15 күнүгэр Дьокуускай куоракка олорор биир дойдулаахтарбытын кытары истиҥ көрсүһүү буолан ааста. Көрсүһүүгэ куоракка олорор ытык кырдьаҕастарбыт, үлэ үөһүгэр сылдьар дьоммут, эдэр ыччаттарбыт кыттыыны ыллылар. Нэһилиэкпит баһылыга Янцен Антон Андреевич дойдуларын солунун, нэһилиэк, дьаһалта үлэтин -хамнаһын туһунан кэпсээтэ, билиһиннэрдэ. Төгүрүк остуол тула олорон ирэ-хото кэпсэтэн, дойдуларын минньигэс аһын амсайан, инники соруктары, нэһилиэк сайдыытыгар ханнык салаалар улэлэрин тэрийэн, эдэр ыччаты хайдах олохсутарга этиилэр киирдилэр. Маны таһынан нэһилиэкпит кэрэ көстүүлээх таҥара дьиэтин туругун, иҥнэри баран эрэринэн өрөмүөн үлэтин сөргүтэн ыытарга, харчы хомуйуутугар ыҥырыы таһаардылар. Бу көрсүһүүгэ олохтоох библиотекаҕа бэйэтин кинигэлэрин бэлэхтиир биир дойдулаахпыт Арыылаахтан төрүттээх Иван Иванович Каженкин- Хааһах Уйбаан бэйэтин кинигэлэрин бэлэх уунна. Дьоммут-сэргэбит олус астынан, дуоһуйа кэпсэтэн, эҕэрдэлэрин тиэрдэн үөрэ-көтө илии тутуурдаах төрөөбүт алаастарын минньигэс соболорун илдьэ тарҕастылар.
