Алтынньы ый 1 күнэ — Аан дойду үрдүнэн бэлиэтэнэр аҕам саастаахтар күннэрэ, эбэтэр саастаах дьоммутугар ытыктабыл уонна үтүө санааны уунар ураты күн.
Алтынньы 2 күнүгэр «Туску» сынньалаҥ киинигэр аҕам саастаахтаарга анаммыт тэрээһин буолан ааста. Бу киэһээ сылаас чэйдээх остоол тула олорон кэлбит аҕам саастаахтарбыт уруккуларын санаһан кэпсэтэн, ырыа-хоһоон, үҥкүүлээн, көрдөөх оонньууларга кыттан бириис ылан, бэйэ илиитинэн буоскаттан чумэчи оҥорон, баҕа санааларын суруйан чүмэчилэрин кытары эрийэн үөрдулэр- көттүлэр. Маастар кылааһы Демьянова Светлана Михайловна сүрдээх үчүгэйдик быһааран,көрдөрөн биэрдэ. Светлана Михайловна ыытар маастар кылааһыгар нэһилиэк олохтоохторо олус диэн сөбүлээн сылдьаллар. Аны тымныы полюстан үрүҥ эһэбит кэлэн соһутан хаартыскаҕа да түстүлэр, бииргэ үҥкүүлээн да ыллылар. Фоеҕа ретро фотозона оҥоһуллан бу киэһээни санатар хаартыскаҕа түһүү буолла. Аҕам саастаахтарбытыгар ытыс саҕа сылаас сыһыан, болҕомто ууруллан бэйэбит ортобутугар сылдьаллара саныырга да астык, көрөргө да үчүгэй буоллаҕа.