«Бииргэ аа5абыт»-дьиэ кэргэнинэн аа5ыы улуустаа5ы бэстибээлэ.
Ахсынньы ый 5 күнүгэр А.П.Гоголев аатынан Оҕо ускуустуба оскуолатын дьиэтигэр О5о библиотеката төрүттэммитэ 70 сылыгар анаммыт » Бииргэ аа5абыт» дьиэ кэргэнинэн аа5ыы бэстибээлэ буолан ааста. Нэһилиэктэртэн кыттыбыт дьиэ кэргэн » Мин дьиэ кэргэним сөблүүр кинигэтэ» диэн аа5ыыга угуйар буктрейлер оҥорон кытыннылар. Бэстибээл иккис түһүмэҕэ джем-сейшн «Лучше всех» -манна 9 дьиэ кэргэн киирэн кыттыннылар. Кинигэ көмөтүнэн сөбүлүүр дьарыктарын көрдөрдүлэр. Арыылаах нэһилиэгиттэн Раиса Сергеевна кыыһынаан Диана Лаптевтар дьиэ кэргэттэрэ кыттыыны ыллылар. Диана үһүс кылааска туйгуннук үөрэнэр.Кини кыра эрдэҕиттэн үҥкүлүүрүн, кинигэ ааҕарын олус сөбүлүүр. «Лучше всех»- ыытааччыта хас биирдии оҕону кытары кэпсэтэн ,бэриллибит боппуруостарга лоп-бааччы эппиэттээннэр сүрдээх истиҥ кэпсэтии таҕыста. Диана бэйэтин туһунан кэпсээн билиһиннэрэн талаанын хомустаан,чабырҕахтаан иһитиннэрдэ. Кини өссө биллэр -көстөр «Завод» үҥкүү группатыгар үҥкүүлээбитин истэн сөхтүлэр. Бары бииртэн биир интириэһинэй талааннаах оҕолор бэйэлэрин талааннарын көрдөрөн кэлбит дьон сэҥээриилэрин ылан ытыс тыаһынан эҕэрдэлээтилэр. Сылтан сыл аайы ааҕыы эйгэтигэр маннык ааҕар дьиэ кэргэттэр элбээн истиннэр,өссө да интириэһинэй бырайыактар элбии турдуннар. Кыттыбыт оҕолорго барыларыгар сэмэй бэлэхтэрин туттардылар.
