«ХоҺуун буойун» — Иннокентий Барашков.
Муус устар 9 күнүгэр Е.А.Борисов архыып- бибилэтиэкэтигэр» Хорсунун иһин» уордьан кавалера,» Бойобуой туйгуннарын иһин»,»Бойобуой сомо5олоһууну бөҕөргөтүү иһин»,» Анал байыаннай дьайыы кыттыылаа5ар», » Байыаннай килбиэнин иһин» мэтээллэрдээх биир дойдулаахпыт Иннокентий Барашковка анаммыт «Хоһуун буойун» кинигэ сүрэхтэниитэ буолан ааста. Ийэтэ Анна Дмитриевна -Айыл5аана хомуйан сырдык кэриэһигэр анаан ахтыы кинигэтин таһааттарда. Кинигэҕэ бииргэ төрөөбүттэрэ,бойобуой табаарыстара, оҕо эрдэхтэн бииргэ алтыспыт -үөрэммит о5олоро, кэргэнэ Сахалена Валериевна ахтыылара хомуллан киирбит,ону тэҥэ ийэтэ уолугар анаабыт хоһоонноро анаммыттар. Улуус баһылыга Степан Анатольевич Саргыдаев, СӨ Ыччат дьыалаларын уонна социальнай коммуникация миниистэрэ Петр Шамаев кыттыыны ылан, Иннокентий туһунан ахтан-санаан аастылар. Кинигэ сүрэхтэниитигэр үгүс киһи мустан,кинилэр истиҥ ахтыылара Иннокентий кылгас эрээри чаҕылхай олоҕу олорбутун туоһулаатылар.
