Хомус күнэ — Саха Өрүспүүбүлүкэтин бэлиэ күнэ.
Ил Дархан Егор Афансаьевич Борисов 2011с.бэс ыйын 27 күнүгэр таһаарбыт ыйааҕынан Саха Өрөспүүбулукэтигэр Хомус күнэ сэтинньи 30 күнүгэр бэлиэтэнэр.Дьокуускай куоракка хомус музейа 1990с. сэтинньи 30 күнүгэр аһыллыбыта. Бу музейы филологическай наука доктора,М.К.Аммосов аатынан университет профессора Иван Егорович Алексеев (Хомус Уйбаан) тэрийбитэ. Музейга Аан дойду 47 судаарыстыбатын 200 омугун духуобунай уонна муусукатын култуураларын көрдөрөр 162 араас көрүҥнээх бамбууктан, мастан, муостан, тимиртэн, алтантан, латуунтан, үрүҥ көмүстэн оҥоһуллубут хомус эгэлгэтэ хараллан сытар. Экспонааттар хомус туохтан төрүттэнэн үөскээбитин сиһилии кэпсииллэр.Музейга хараллан сытар хомустар норуот олорбут олоҕун устуоруйатын, култууратын, итэҕэлин, сиэрин-туомун толору тиэрдэр кыахтаахтар. Көрдөрүүгэ турар экспонаттартан Америка бэрэпиэссэрэ, варгановед Фредерик Крейн коллекцията, Саха Республикатын норуотун маастара Иннокентий Никитич Готовцев коллекцията, «Амынньыкы мичээрэ» диэн аатынан биллэр саха уустарын коллекцията дьоһун миэстэни ылаллар, дьон болҕомтотун тардаллар. Барыта 1613 хомус харалла сытар. Хомус норуокка тус-туһунан ааттаах: варган (Россия), трумп (Англия), маультроммель (Германия), джюс харп (Америка), коукин (Япония), коусян (Китай), о. да а. Музей пуондатыгар барыта 8747 араас матырыйаал хараллан сытар.
